Preemo，眨吓眼你就面世100日喇！
Happy 100th Day! ❤️
呢段日子，你知唔知爹哋最享受嘅係咩？就係可以每日期待你一望到我嘅時候，就展現可愛嘅笑容👶🏻；每日抱起你嘅時候，💪🏻手臂又要出多一點力；每日同你傾偈嘅時候，努力去解讀你想講咩；每次你發出聲音，都好專心聽實係咪「👩🏻媽咪」或「👦🏻爹哋」；每日抱住你喺我胸口瞓著覺嘅時候，不停聞住你陣味，尤其陣汗味💦仲有啲聞到上咗癮；每日同你洗頭沖涼🛁嘅時候，諗吓點樣整蠱你；每日錫你面珠燈嘅時候，盡量唔好俾媽咪見到🤫，費時佢話我個嘴咁污糟做乜錫BB。但係其實最期待嘅，始終都係希望你健健康康過每一天！我哋冇幫你搞百日宴，但係就幫你安排咗今日呢個「百日影」！有冇🎁禮物送俾你？
喺100日前，爹哋已經準備好一份禮物送俾你，就係幫你儲起臍帶血同臍帶組織喇！你大咗實會問我點解送呢份禮物俾你，就等我而家答定你先啦！
1. 🔬點解嘅？
• 臍帶血同臍帶組織裡面有豐富嘅幹細胞，可以治療多種疾病。外國利用臍帶血移植救返病人嘅案例好多，有咗佢就可以保障你未來嘅健康。
• 你自己可以用之外，你嘅屋企人都有機會成功配對，即係有機會幫到爹哋媽咪添！
• 一世人得一次收集嘅機會，一出世儲可以有效保護你處於最健康有力嘅狀態，所以媽咪陀住你嘅時候就已經計劃好喇。
2. 📌點解揀 Smart Cells Hong Kong 英國寶諾臍帶血庫?
• 香港暫時冇專門監管臍帶血庫嘅規例，而呢間公司係全港唯一受英國法例監管嘅臍帶血庫，可以確保保存嘅安全同穩定性。
3. ✈️你出世嘅時候點樣收集？
• 爹哋只不過帶埋一早喺我手嘅收集盒去醫院，去到就交俾當值姑娘，就係咁簡單。因為幫你接生嘅婦產科醫生同埋姑娘一早已經收到通知，佢哋仲非常熟手，我乜都唔使理。
• 有職員當日即時到病房接收收集盒，用速遞嘅方法，順利喺第二日運送到英國，幾日後就收到臍帶血同組織嘅報告，發現你嘅臍帶血容量比要求高出好多倍添！
明晒啦？不過，希望你未來唔會用得着！
Happy 100th Day again! ❤️
#洋蔥頭Preemo #我哋個BB仔
#100Days #一家四口 #DonDonBB
Search